8 signs that your’re living in your true self

Internal Family System ( IFS ) အကြောင်းပြောတဲ့အခါ ကိုယ်စစ်ကိုယ်မှန် Self က အရေးပါတဲ့ အခန်းဂဏ္ဍတစ်ခုအဖြစ်ပါဝင်ပါတယ်။

လူတိုင်းမှာ Self လို့ခေါ်တဲ့ ကိုယ့်စစ်ကိုယ်မှန် တည်ရှိနေပြီး သားဖြစ်သလို Self ရဲ့ အရည်အသွေးတွေက ကိုယ်ကြုံတွေ့ခဲ့ရဖူးတဲ့ အဖြစ်ပျက်တွေ, ပြင်ပက သက်ရောက်တဲ့ အရာတွေပေါ် မမူတည်ဘဲ ပင်ကိုယ်သဘာဝအတိုင်းတည်ရှိနေပြီးသားဖြစ်လို့ ကိုယ့်ရဲ့ Self ကို ပိုပြီး သိမြင်နားလည်နိုင်အောင်, ချိတ်ဆက်မိနိုင်အောင် ကြိုးစားကြည်လို့ရပါတယ်

Self ( ကိုယ်စစ်ကိုယ်မှန် ) မှာ အရည်အသွေး ၈ ခုရှိပါတယ်။

 Calmness – ဒီ အရည်အသွေးကတော့ တည်ငြိမ်မှု ရှိခြင်းဖြစ်ပါတယ်။ ကိုယ့်ဆီမှာ အပိုင်းတွေဖြစ်ပေါ်လာတဲ့အခါမှာ ကိုယ်က အပိုင်းတွေနောက်လိုက်ပြီး လှုပ်ခတ်မသွားဘဲ, တည်ငြိမ်မှုရှိရှိ အရှိတိုင်း ရင်ဆိုင်လက်ခံကြည့်နိုင်စေမှာပါ။

 Curiosity – ကိုယ့်ဆီမှာ ခံစားချက်တွေ ဘယ်လိုရှိနေလဲ, ဘယ်လိုအပိုင်းတွေ ဖြစ်နေတာလဲ, အပိုင်းတွေက ဘာကြောင့်ပေါ်လာရတာလဲ ? ဘာလိုအပ်နေတာလဲ စသဖြင့် ဝေဖန်ပိုင်းဖြတ်လိုစိတ်မရှိဘဲ စစ်မှန်တဲ့ သိလိုစိတ်ရှိတဲ့အခါ ကိုယ့်ကိုကိုယ် ပိုသိနားလည်စေဖို့ အထောက်အကူဖြစ်စေနိုင်ပါတယ်။

 Clarity – Clarity လို့ခေါ်တဲ့ ရှင်းလင်းမှု ကလည်း ကိုယ့်ဆီပေါ်လာတဲ့အပိုင်းတွေရဲ့ လိုအပ်ချက်, ဖြစ်ပေါ်လာရတဲ့ အကြောင်းရင်းခံတွေကို ရှင်းလင်းပြတ်သားစွာ သိခြင်းဖြင့် ကိုယ့်ရဲ့ ကိုယ်စစ်ကိုယ်မှန်ကို နားလည်သိမြင်နိုင်ဖို့ အထောက်အကူဖြစ်စေပါတယ်။

 Compassion – ကြင်နာဂရုဏာထားခြင်းဟာ ကိုယ့်ဆီမှာ ဖြစ်ပေါ်နေတဲ့ အပိုင်း, အခြေအနေ, ခံစားချက်တွေကို ဝေဖန်မှုမရှိဘဲ အရှိတိုင်း နားလည်လက်ခံပေးပြီး အတူတကွ ရှိနေပေးခြင်းဖြစ်ပါတယ်။ ဒီလို ကြင်နာဂရုဏာထားခြင်း အရည်အသွေးနှင့်အတူ ကိုယ့်ရဲ့ ကိုယ်စစ်ကိုယ်မှန်ကို ချိတ်ဆက်ကြည့်နိုင်ပါတယ်။

 Confidence – ကိုယ့်အနေနဲ့ ဘယ်လိုအခြေအနေ, ခံစားရမှုတွေလာလာ လှုပ်ခတ်မှုမရှိ ရင်ဆိုင်နိုင်တယ်, ကိုယ့်အတွင်းထဲမှာရှိနေတဲ့ အရည်အသွေး,အစွမ်းအစတွေအပေါ် သံသယမထားဘဲ ယုံကြည်မှုရှိခြင်းဖြစ်ပါတယ်။

 Connectedness – ကိုယ့်ရဲ့ အတွင်းမှာရှိနေတဲ့ အပိုင်း, ခံစားမှုတွေရဲ့ ချိတ်ဆက်မှု, ဆက်သွယ်နေမှုတွေကို သတိပြုနားလည်သဘောပေါက်ခြင်းဖြင့် ကိုယ့်ရဲ့ ကိုယ်စစ်ကိုယ်မှန်ကို သိမြင်ခံစားနိုင်ပါတယ်။

 Courage – ဖြစ်ပေါ်လာတဲ့အပိုင်းတွေကို ရင်ဆိုင်ကျော်ဖြတ်နိုင်ဖို့, ကြုံတွေ့နေတဲ့ အခက်ခဲ, နာကျင်မှု အခြေအနေတွေကို လက်ခံရင်ဆိုင်နိုင်ဖို့အတွက် သတ္တိ အရည်အသွေးလိုအပ်ပါတယ်။ ကိုယ့်အတွက်ခက်ခဲပင်ပန်းမှုရှိနေသည့်တိုင်အောင် ရှောင်ဖယ်မပြေးဘဲ သတ္တိရှိရှိ လက်တွေ့ရင်ဆိုင်ခြင်းက ကိုယ့်ကိုကိုယ်ပိုသိနားလည်နိုင်ဖို့ ဖြစ်စေမှာပါ။

 Creativity – တီထွင်ဖန်တီးမှုရှိတယ်, မတူညီဆန်းသစ်တဲ့အတွေးမြင်ပုံစံတွေကို လက်ခံတယ်၊ ဘောင်ခတ်မထားဘဲ လွတ်လပ်စီးမျောမှုနှင့်အတူ ကိုယ့်ရဲ့ကိုယ်စွမ်း, ဥာဏ်စွမ်းတွေကို အသုံးချပြီး အခက်ခဲ,အခြေနေတွေ, အကြောင်းအရာတွေအပေါ် သိမြင်ခံစားခြင်းက ကိုယ့်ရဲ့ ကိုယ်စစ်ကိုယ်မှန်အရည်အသွေးတစ်ခုဖြစ်ပါတယ်။

ဒါကြောင့် ကိုယ့်ဆီမှာ ရှိနေပြီးသားဖြစ်တဲ့ Self အရည်အသွေးတွေကို ပိုပြီးတိုးတက်ကောင်းမွန်စေဖို့လည်း မတူကွဲပြားတဲ့ နည်းလမ်း, Approach တွေ ကျင့်သုံးပြီး ဖြေးဖြေးချင်း ပျိုးထောင်မြှင့်တင်ကြည့်နိုင်ပါတယ်။ ကိုယ့်ကိုကိုယ် ဂရုစိုက်နားထောင်ရင်း Self ရဲ့ စွမ်းအားနှင့်အတူ ကိုယ့်ကိုကိုယ်ပိုသိမြင်နိုင်ဖို့, သမမျှတတည်ငြိမ်မှုနှင့် အတွင်းစိတ်တည်ငြိမ်အေးချမ်းမှုရဖို့ ကြိုးစားကြည့်ရအောင်

နောက်ပိုင်းမှာလည်း IFS နှင့်ပတ်သတ်တဲ့အကြောင်းရာတွေကို ထပ်ပြီး မျှဝေသွားဖို့ရှိပါတယ်။ Internal Family System နှင့်ပတ်သတ်ပြီး ပိုပြီးသိနားလည်ချင်ရင်တေ့ အောက်ပါလင့်များမှာ ဖတ်ရှုကြည့်ပါ

Meet the part through IFS Model – https://www.facebook.com/share/p/1BAY1GMvaQ/

လိုအပ်တာထက်ပိုပြီးရှင်းပြတတ်တယ်ဆိုတာ – https://www.facebook.com/share/p/1Fno8b4qHp/

ချိုသာခြင်းနှင့် အမြဲယှဉ်တွဲစရာမလိုတဲ့ ကြင်နာခြင်းဆိုတာ –